遊山玩水

Kyuu & Wani - 情人節好去處!泥涌石灘漫步人生路|遊山玩水
遊山玩水

情人節好去處!泥涌石灘漫步人生路|遊山玩水

今日係大年初三,又係情人節!唔使拜年嘅Kyuu & Wani,今日有咩情人節活動?就係去咗泥涌石灘啦~我地一朝早就約咗係沙田,食個Lunch先,跟住就喺沙田市中心巴士總站坐299x巴士去泥涌。去到巴士站見到好多人等車,好彩15分鐘左右就有下一班車,唔算耐。我地喺泥涌站落左車。 落到車見到有工程進行緊,不過都有好清晰嘅指示牌指示我地去泥涌石灘。行幾分鐘,西貢泥涌秘境就在眼前!泥涌石灘面向吐露港,睇住平靜嘅海面同對面一座座小山,真係身心舒暢啊。大家要注意喺石灘濕滑,同埋建議大家着啲防水鞋,因為要去近海邊都要踩過濕泥。而且,石灘都有好多蠔殼同碎石,大家要小心慢慢行,切忌着白色布鞋!

收看全文
Kyuu & Wani - 港島區秘境!黃泥涌水塘寫意遊
遊山玩水

港島區秘境!黃泥涌水塘寫意遊|遊山玩水

想過一個寫意嘅下午?Kyuu & Wani介紹大家可以去黃泥涌水塘行下,去呢個隱世綠洲探險啦。要去黃泥涌水塘公園,可以去中環交易廣場坐6號巴士,喺黃泥涌水塘公園站落車。一落車就會見到油站,我地喺油站買咗啲零食,就行上油站隔離嘅樓梯。上到去就會到大潭水塘道,左轉上山,好快就會見到黃泥涌水塘公園。 以前黃泥涌水塘公園有水上單車玩,可以一邊踩住水上單車、一邊餵魚餵龜。好可惜喺2017年就冇得再踩水上單車,因為提供水上單車服務嘅承辦商決定唔再入標,結束營業。黃泥涌划艇公園只能成為大家嘅回憶。雖然冇得踩水上單車暢遊水塘,但係呢度嘅風景依舊咁靚,而且水塘可愛嘅魚同龜都係水塘度游嚟游去,環境依舊清幽,令人心曠神怡。Kyuu

收看全文
Kyuu & Wani - 港版「天空之鏡」?流水響仙境遊
遊山玩水

港版「天空之鏡」?流水響仙境遊|遊山玩水

流水響水塘喺八仙嶺郊野公園附近,係一個灌溉水塘,水塘湖面清澈平靜。好天嗰陣,藍天白雲同湖邊嘅白千層同落羽松樹林嘅倒影都會映照喺湖面上,真係一面「天空之鏡」。所以,好多人都話流水響係「港版天空之鏡」,有啲人更稱佢為「港版輕井澤」。 喺粉嶺站C出口外面嘅小巴站,坐52B小巴,大約20分鐘車程。經過八仙嶺郊野公園路牌之後,喺鶴藪道同流水響道嘅迴旋處度落車。 湖畔周圍嘅落羽松樹會隨住四季變化,轉換成橙色、金黃色、紅色。Kyuu &

收看全文